Samarqand viloyati hokimining iqtisodiyot va tadbirkorlik masalalari bo‘yicha birinchi o‘rinbosari Jamshid O‘roqov “Samarqand Ipak yo‘li” bozori hududidagi do‘konni buzishga buyruq bergani to‘g‘risida xabar bergan edik.
“Daryo” muxbiri Farhod Norbo‘tayev mazkur holat yuzasidan “Samarqand Ipak yo‘li” MChJ savdo majmuasi direktori Shehroz Abbosov va direktor o‘rinbosari Vahob Muhiddinov bilan uchrashib, masalaga oydinlik kiritdi.
Tadbirkorning do‘koni buzilishi bilan bog‘liq masaladan “Daryo” saytida maqola chiqqanidan so‘ng xabar topdik. Viloyat hokimligi ham bozor ma’muriyati ham har doim tadbirkorlarning huquq va manfaatlarini himoya qilib kelgan.Mazkur masala yuzasidan Samarqand viloyat hokimligi tomonidan ishchi guruh tashkil etilib, bozoridagi holatlar atroflicha o‘rganib chiqildi. “Daryo”ga murojaat qilgan tadbirkorning arizasi asosida “Samarqand Ipak yo‘li” MChJ savdo majmuasi hududidagi holatni o‘rganish jarayonida bozor hududidagi savdo do‘koni buzilmasligi oydinlashdi.Shehroz Abbosov, bozor direktori
Aslida viloyat hokimi o‘rinbosari Jamshid O‘roqov bozorni obodonlashtirish, xaridorlar va tadbirkorlar uchun qulay shart-sharoit yaratish maqsadida kerakli ko‘rsatmalar bergan. Samarqand turistik shahar. Bu yerga kelgan sayyohlar albatta bozorlarga tashrif buyuradi. Shu bois bozori hududida tartib saqlash, bozorga kelayotgan xaridorlar bilan bir qatorda turistlar uchun ham qulay shart-sharoit yaratish lozim. Shuning uchun bozorda obodonlashtirishga alohida e’tibor qaratganmiz.Shehroz Abbosov, bozor direktori
Izoh (0)