Самарқанд вилояти ҳокимининг иқтисодиёт ва тадбиркорлик масалалари бўйича биринчи ўринбосари Жамшид Ўроқов «Самарқанд Ипак йўли» бозори ҳудудидаги дўконни бузишга буйруқ бергани тўғрисида хабар берган эдик.
«Дарё» мухбири Фарҳод Норбўтаев мазкур ҳолат юзасидан «Самарқанд Ипак йўли» МЧЖ савдо мажмуаси директори Шеҳроз Аббосов ва директор ўринбосари Ваҳоб Муҳиддинов билан учрашиб, масалага ойдинлик киритди.
Тадбиркорнинг дўкони бузилиши билан боғлиқ масаладан «Дарё» сайтида мақола чиққанидан сўнг хабар топдик. Вилоят ҳокимлиги ҳам бозор маъмурияти ҳам ҳар доим тадбиркорларнинг ҳуқуқ ва манфаатларини ҳимоя қилиб келган.Мазкур масала юзасидан Самарқанд вилоят ҳокимлиги томонидан ишчи гуруҳ ташкил этилиб, бозоридаги ҳолатлар атрофлича ўрганиб чиқилди. «Дарё»га мурожаат қилган тадбиркорнинг аризаси асосида «Самарқанд Ипак йўли» МЧЖ савдо мажмуаси ҳудудидаги ҳолатни ўрганиш жараёнида бозор ҳудудидаги савдо дўкони бузилмаслиги ойдинлашди.Шеҳроз Аббосов, бозор директори
Аслида вилоят ҳокими ўринбосари Жамшид Ўроқов бозорни ободонлаштириш, харидорлар ва тадбиркорлар учун қулай шарт-шароит яратиш мақсадида керакли кўрсатмалар берган. Самарқанд туристик шаҳар. Бу ерга келган сайёҳлар албатта бозорларга ташриф буюради. Шу боис бозори ҳудудида тартиб сақлаш, бозорга келаётган харидорлар билан бир қаторда туристлар учун ҳам қулай шарт-шароит яратиш лозим. Шунинг учун бозорда ободонлаштиришга алоҳида эътибор қаратганмиз.Шеҳроз Аббосов, бозор директори
Изоҳ (0)