Tojikiston so‘nggi 22 yil ichida tabiiy ofatlar oqibatida 500 million dollarlik zarar ko‘rdi. Bu Tojikistonning 2019—2030-yillarda tabiiy ofatlar xavfini pasaytirish bo‘yicha Milliy Strategiyasida qayd etilgan, deb yozmoqda Asia Plus.
Qayd etilishicha, Tojikistonda 1997-yildan 2018-yilga qadar 3460 ta tabiiy ofat yuz bergan. Har ikki kunga bitta tabiiy ofat to‘g‘ri keladi, deyiladi Strategiyada.
Ta’kidlanishicha, eng keng tarqalgan va eng ko‘p o‘lim keltiradigan tabiiy ofat sel hisoblanadi. Yiliga o‘rtacha 70 sel qayd etilgan va ularning oqibatida yiliga o‘rtacha 35 kishi halok bo‘lgan.
Ikkinchi o‘rinda yillik o‘rtacha 27 ta holat va olti nafar qurbon bilan qor ko‘chishi turibdi.
Sellar va qor ko‘chkilari juda kichik hududlarga ta’sir qilsa ham, ular tez-tez yuz beradi va bir vaqtda bir nechta hududga ta’sir ko‘rsatadi.
So‘nggi 20 yil ichida mamlakatda yiliga o‘rtacha 23 ta zilzila bilan bog‘liq tabiiy ofat qayd etilgan va ularning oqibatida yiliga o‘rtacha ikki kishi halok bo‘lgan.
Izoh (0)