“Pabuk” tropik dovuli so‘nggi o‘ttiz yilda ilk bor Tailandning janubiy sohillariga yopirildi, deb yozadi “RIA Novosti”. Tabiiy ofat o‘z yo‘lida daraxtlarni qo‘porib tashlagan, binolarni vayron qilgan. Oqibatda bir kishi halok bo‘lib, minglab sayyohlar orollarni tark etgan.
Ma’lum bo‘lishicha, dovul Tailandning Siam ko‘rfazida kuchli to‘lqinlarini ham keltirib chiqargan. Favqulodda hodisada Nakxonsitxammarat provinsiyasi aholisi ko‘proq zarar ko‘rgan. Xavfli hududlardan 6 mingdan ziyod mahalliy aholi vaqtinchalik yashash joylariga ko‘chirilgan.
Mamlakat meteorologiya departamenti ma’lumotlariga ko‘ra, dovulning tayfunga aylanish ehtimoli kam. Odatda tropik po‘rtana musson yomg‘irlari mavsumida uchrab, yanvar oyida Tailandda qulay ob-havo sharoiti kuzatilardi.
Izoh (0)