Farg‘ona viloyati bojxona boshqarmasi xodimlari tomonidan o‘tkazilgan tezkor tadbir davomida “Farg‘ona—Qo‘qon” yo‘nalishida harakatlanayotgan, fuqaro X.U. boshqaruvidagi Nexia rusumli avtomashina to‘xtatilib, xolislar ishtirokida ko‘zdan kechirildi. Bu haqda “Daryo”ga Bojxona qo‘mitasi axborot xizmati xabar berdi.
Ushbu avtomashina salonida O‘zbekistonga muqaddam noqonuniy yo‘llar bilan olib kirilgan, xorijda ishlab chiqarilgan, bojxona rasmiylashtiruvidan o‘tganligini tasdiqlovchi xujjatlari bo‘lmagan umumiy qiymati qariyb 47 million so‘mlik, jami 5940 quti turli nomdagi tamaki mahsulotlari borligi aniqlandi.
Hozirda mazkur holat yuzasidan tergovga qadar tekshiruv harakatlari davom ettirilmoqda.
Izoh (0)