2018-yilning boshidan beri dunyoning 30 ta mamlakatida 113 nafar OAV xodimi halok bo‘ldi, deb xabar berdi “Kommersant.ru”.
Qayd etilishicha, 2018-yilda o‘ldirilgan jurnalistlar soni 2017-yilga nisbatan 14 foizga ko‘proq.
Jurnalistlar eng ko‘p Afg‘oniston (17 ta o‘lim holati), Meksika (17 ta) va Suriyada (17 ta) halok bo‘ladi.
Qasddan OAV vakillari o‘ldiriladigan mamlakatlar quyidagilar:
Yaman va Hindistonda 8 tadan shunday holat kuzatilgan.
AQShda 6 nafar, Pokistonda 5 nafar, Braziliyada va Filippinda 4 nafardan, Rossiya, Kolumbiya, Ekvador va Somalida uch nafardan jurnalist o‘ldirilgan.
Amerikaning Time nashri Saudiya Arabistonining Istanbuldagi konsulxonasida o‘ldirilgan jurnalist Jamol Qoshiqchini “Yil odami” deb atadi.
Turkiya OAV ning yozishicha, marhum jurnalist dastlab qiynoqqa solingan va boshi tanasidan judo qilingan.
Saudiya Arabistoni hukumati Jamol Qoshiqchining boshi tanasidan judo qilinganini tan olgan, biroq uning jasadi haligacha topilmagan.
Izoh (0)