2018 йилда дунё бўйлаб 100 дан ортиқ журналист ҳалок бўлди

2018 йилнинг бошидан бери дунёнинг 30 та мамлакатида 113 нафар ОАВ ходими ҳалок бўлди, деб хабар берди «Коммерсант.ru».

Қайд этилишича, 2018 йилда ўлдирилган журналистлар сони 2017 йилга нисбатан 14 фоизга кўпроқ.

Журналистлар энг кўп Афғонистон (17 та ўлим ҳолати), Мексика (17 та) ва Сурияда (17 та) ҳалок бўлади.

Қасддан ОАВ вакиллари ўлдириладиган мамлакатлар қуйидагилар:

Яман ва  Ҳиндистонда 8 тадан шундай ҳолат кузатилган.

АҚШда 6 нафар, Покистонда 5 нафар, Бразилияда ва Филиппинда 4 нафардан, Россия, Колумбия, Эквадор ва Сомалида уч нафардан журналист ўлдирилган.

Американинг Time нашри Саудия Арабистонининг Истанбулдаги консулхонасида ўлдирилган журналист Жамол Қошиқчини «Йил одами» деб атади.

Туркия ОАВ нинг ёзишича, марҳум журналист дастлаб қийноққа солинган ва боши танасидан жудо қилинган.

Саудия Арабистони ҳукумати Жамол Қошиқчининг боши танасидан жудо қилинганини тан олган, бироқ унинг жасади ҳалигача топилмаган.