Bugun BMT Bosh assambleyasi Qrimning harbiylashtirilishi va Rossiyaning Kerch bo‘g‘ozidagi Ukrainaga qarshi tajovuzi bo‘yicha qaror qabul qilishi kerak. Bu haqda “Exo Moskvi” xabar berdi.
BMT Bosh Assambleyasining qarori Qrimning Rossiya tomonidan harbiylashtirilishiga qaratilgan va Rossiyaning Kerch bo‘g‘ozidagi Ukrainaning kemalariga qilingan hujumi va Ukraina dengizchilarining qo‘lga olinishini qoralaydi. Hujjatda Rossiya harakati nafaqat Ukraina, balki mintaqaning boshqa davlatlari uchun ham tahdid ekanligi qayd etiladi.Qarorda Rossiyani Kerch bo‘g‘ozidan o‘tadigan savdo kemalarini to‘xtatish va qatnovini cheklamaslikka chaqiriladi. Hujjatning asosiy maqsadi Rossiyaning Qrimdan o‘z qo‘shinlarini olib chiqish va Ukrainaning noqonuniy ishg‘ol etilishini to‘xtatishni talab etishdan iborat.Qarorning matni Ukraina tomonidan taklif etilgan, ammo hujjatga hammuallif sifatida Amerika Qo‘shma Shtatlari, Kanada, Buyuk Britaniya, Shvetsiya, Germaniya, Estoniya, Xorvatiya, Polsha, Niderlandiya, Gruziya va Latviya imzo qo‘ygan.Dekabr oyining boshida, Milanda o‘tkazilgan YeXHT majlisida Kiyev Rossiya tomonidan Qrimning harbiylashtirlishi va Kerch bo‘g‘ozidagi Ukraina kemalariga to‘g‘ridan to‘g‘ri hujum amalga oshirilganligi to‘g‘risida dalillarni taqdim etgan.BMT Bosh Assambleyasining qarori bo‘yicha ovoz berish Moskva vaqti bilan soat 18:00 ga belgilangan.
Izoh (0)