Chet tillar kolejining 17 yoshli talabasi Darig‘a Sakbasinova “Miss Qarag‘anda — 2018” go‘zallik tanlovida g‘olib bo‘ldi. Bu haqda “Tengrinews” xabar berdi.
Darig‘aning aytishicha, u saxnaga chiqish oldidan mutlaqo hayajonlanmagan: uning modellik faoliyatida tajribasi bor.
“Men kiyimlar do‘konida ishlaganman va Ostonadagi moda namoyishlarida ishtirok etganman. Bugun men o‘zimni xotirjam his qildim, sababi yaqinlarim yonimda meni qo‘llab-quvvatlashayotganliklarini his etdim. Biz ishtirokchilar orasida raqobat bo‘lmadi. Biz bir jamoa sifatida bir-birimizni qo‘llab-quvvatladik”, — deydi qiz.
“Miss Qarag‘anda — 2018” suzish va voleybol bilan shug‘ullanadi. Kelajakda u xayriyaga qo‘l urmoqchi. “Mening eng katta orzum — bu onamning orzularini ro‘yobga chiqarish. Men onam butun dunyoni ko‘rishini istayman”, — deydi Darig‘a.
Eng go‘zal qizga tojni “Miss Qarag‘anda — 2017” Yekaterina Dvoreskaya topshirdi.
Bu yilgi kastingda 100 dan ortiq nomzodlar ishtirok etdi. Finalga ulardan 19 nafari o‘tdi. Bu yilgi tanlovning asosiy mavzusi poytaxtning 20-yilligi bo‘ldi.
Izoh (0)