Yoshlar ittifoqi tomonidan tashkillangan anjumanda yoshlar orasida sodir etilgan jinoyatlar tahlil etildi va ularning ko‘pchiligi hayotda o‘z o‘rnini topa olmayotgani muhokama qilindi. Bu haqda Markaziy kengash raisining birinchi o‘rinbosari Alisher Sa’dullayev Facebook‘dagi sahifasida ma’lum qildi.
“Bu esa ularning boshqa yo‘llardan yechim qidirishga undab, oxir-oqibat jinoyat yo‘liga olib kelmoqda. Boshqa bir holat: o‘zini 100 foiz haq yoki to‘g‘ri yo‘ldaman deb o‘ylovchi yoshlar yoki o‘z imkoniyatlaridan to‘g‘ri yo‘lda foydalana olmayotgan yoshlar. Bunga misol sportchi bilan sodir bo‘lgan tungi klubdagi pichoqbozlik yoki yaqindagina bo‘lib o‘tgan bosqinchilik ortidan qo‘lga olingan bir guruh “maskaliklar”, — deydi Alisher Sa’dullayev.
Alisher Sa’dullayevga ko‘ra, Yoshlar ittifoqi ham jinoyatchilikka qarshi bandlik, sport, huquqiy savodxonlikni oshirish yoki boshqa tadbirlar orqali kurashmoqda, ammo bu hali yetarli emas. Ittifoqqa ishlatilmay qolayotgan yoshlarning kuchi va idroki, tashabbusi va ishtiroki yetishmayapti.
Izoh (0)