Joriy yilning 8-dekabr kuni Buxoro viloyatining Peshku tumanida yashovchi O.M. IIBga ariza bilan murojaat qilib, unda shu yil 14-sentabr kunidan 8-dekabr kunigacha bo‘lgan vaqt oralig‘ida noma’lum shaxs Chig‘irchi MFYda joylashgan savdo do‘konidagi shkafidan 75 mln so‘m pullarini o‘g‘irlab ketganligini ma’lum qilgan. Bu haqda IIV Jamoatchilik va OAV bilan aloqalar boshqarmasi xabar berdi.
Ko‘rilgan choralar natijasida ushbu jinoyatni O‘g‘lon MFYda yashovchi U.I. sodir etganligi aniqlanib ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)