“Hadyam Qur’on bo‘lsin” loyihasi doirasida Afrikaning Malavi Respublikasida istiqomat qilayotgan musulmonlar uchun Qur’oni karim ma’nolarining chechova tiliga qilingan tarjimalari tarqatildi. Bu haqda Islom.uz xabar berdi.
Qur’on tarjimasi Turkiya Diyonat ishlari boshqarmasi va Diyonat vaqfi tomonidan tayyorlangan.Afrikaning Malavi Respublikasida 18,5 million aholi istiqomat qiladi. Shundan musulmonlar aholining 12,5 foizini tashkil qiladi.Diyonat ishlari boshqarmasining ma’lum qilishicha, chechova tilida tarqatilgan tarjima 5 ming nusxani tashkil etadi. Keyinchalik Mozambik, Zimbabve va Angolada yashaydigan musulmonlar uchun ham Qur’on mahalliy tillarga tarjimalar qilinib tarqatilishi ko‘zda tutilgan.Boshqarma tomonidan “Hadyam Qur’on bo‘lsin” loyihasi doirasida shu kungacha Qur’oni karimning ma’nolari tarjimasi dunyodagi 24 xil umumiy va mahalliy tillarga tarjima qilingan. So‘nggi hisobotlarga ko‘ra, Afrika, Bolqon, Janubiy Amerika, Tinch okeani havzasidagi 61 ta o‘lkada yashaydigan musulmonlarga jami 1 million 28 ming 281 ta Qur’oni karimning ma’nolari tarjimasi hadya qilingan.Ma’lum hududlardagi mahalliy tillarga qilingan tarjimalar orasidan Shri Lankadagi tamil, Efiopiyadagi ahmari, Afg‘onistondagi dari, Afrikaning Malavi Respbulikasidagi chechova tillari o‘rin olgan.
Izoh (0)