«Ҳадям Қуръон бўлсин» лойиҳаси доирасида Африканинг Малави Республикасида истиқомат қилаётган мусулмонлар учун Қуръони карим маъноларининг чечова тилига қилинган таржималари тарқатилди. Бу ҳақда Islom.uz хабар берди.
Қуръон таржимаси Туркия Диёнат ишлари бошқармаси ва Диёнат вақфи томонидан тайёрланган.Африканинг Малави Республикасида 18,5 миллион аҳоли истиқомат қилади. Шундан мусулмонлар аҳолининг 12,5 фоизини ташкил қилади.Диёнат ишлари бошқармасининг маълум қилишича, чечова тилида тарқатилган таржима 5 минг нусхани ташкил этади. Кейинчалик Мозамбик, Зимбабве ва Анголада яшайдиган мусулмонлар учун ҳам Қуръон маҳаллий тилларга таржималар қилиниб тарқатилиши кўзда тутилган.Бошқарма томонидан «Ҳадям Қуръон бўлсин» лойиҳаси доирасида шу кунгача Қуръони каримнинг маънолари таржимаси дунёдаги 24 хил умумий ва маҳаллий тилларга таржима қилинган. Сўнгги ҳисоботларга кўра, Африка, Болқон, Жанубий Америка, Тинч океани ҳавзасидаги 61 та ўлкада яшайдиган мусулмонларга жами 1 миллион 28 минг 281 та Қуръони каримнинг маънолари таржимаси ҳадя қилинган.Маълум ҳудудлардаги маҳаллий тилларга қилинган таржималар орасидан Шри Ланкадаги тамил, Эфиопиядаги аҳмари, Афғонистондаги дари, Африканинг Малави Респбуликасидаги чечова тиллари ўрин олган.
Изоҳ (0)