Shahlo Ahmedovaning O‘zbekistonda namoyishi taqiqlangan “Letniye dojdi” klipi Rossiyaning “RU.TV” telekanali tomonidan qo‘llab-quvvatlanmoqda. Telekanalning rasmiy saytida “Kel, sinab ko‘ramiz” rukni bo‘lib, unda barcha xohlovchilarga mamlakatning yosh xonandalarini qo‘llab-quvvatlashga chorlanadi. Shahlo Ahmedovaning klipi ham mana shu ruknga joylashtirildi.
Alisher Navoiy nomidagi O‘zbekiston davlat akademik katta teatrida to‘rt kun davom etgan “PROlogue — 2018” xalqaro kino festivali g‘olib va sovrindorlarini taqdirlash hamda tantanali yopilish marosimi bo‘lib o‘tdi. Tadbirning ikkinchi qismida festival g‘olib va sovrindorlarini taqdirlash marosimi bo‘lib o‘tdi. O‘tgan yilgi festivalda faol qatnashgan aktrisa Dilnoza Kubayeva esa “PROlogue — 2018”da ishtirok etmagani sabablarini “Daryo”ga ma’lum qildi.
***
Samarqand viloyatida shifokorlar tomonidan o‘tkazilgan qasam qabul qilish marosimidan so‘ng, Samarqand viloyati hokimligi mazkur holatni to‘xtatish bo‘yicha topshiriq berdi. Ma’lum bo‘lishicha, shifokorlarning qasamyod matni tibbiyot birlashmalari xodimlari tomonidan yozilgan. “…Hech kim qasam ichishni talab qilmagan. Ba’zi shifokorlar ushbu tadbirni ommaviy qilib yuborishdi. Biz darhol buni to‘xtatdik”, – dedi “Gazeta.uz” manbasi.
***
Farg‘ona viloyatining Buvayda tumanidagi 3-umumiy o‘rta ta’lim maktabi o‘qituvchisi o‘quvchilarni haqoratlagani, kamsitgani va kaltaklagani uchun egallab turgan lavozimidan ozod etildi. Xalq ta’limi vazirligining Huquqiy-nazorat xizmati chop etilgan materiallar yuzasidan tekshiruv o‘tkazdi. Tekshirish natijasida 2018-yilning 16-noyabr kuni maktabning 7-V sinf rahbari R. M. shu sinfda ma’naviyat soati o‘tish jarayonida ikki o‘quvchiga nisbatan noqonuniy xatti-harakatlar sodir etgani, ya’ni obunaga pul bermaganliklari uchun sinf o‘quvchilari oldida haqoratlab, kamsitgani va kaltaklaganligi aniqlandi.
***
3-dekabr, dushanba oqshomida France Football nashri tomonidan ta’sis etilgan “Oltin to‘p” sovrini o‘zining yangi egasiga topshiriladi. Bugun, shuningdek, “Oltin to‘p”dan tashqari yana ikki sovrin topshiriladi. Ulardan biri ayollarga beriladigan “Oltin to‘p”, ikkinchisi 21 yoshgacha bo‘lgan futbolchilarga topshiriladigan “Kopa” sovrini.
Izoh (0)