Farg‘onada jamoat transportida avtomatlashtirilgan to‘lov tizimi yo‘lga qo‘yildi

Farg‘onada harakatlanadigan jamoat transportida avtomatlashtirilgan to‘lov tizimi yo‘lga qo‘yildi, deya xabar beradi “Podrobno.uz”.

Mazkur loyiha Farg‘ona aholisi va mehmonlari uchun istalgan shahar yo‘nalishida harakatlanayotgan jamoat transportida qulay to‘lov amalga oshirish imkonini beradi.TezCard tizimini joriy etish jamoat transporti xizmatlari uchun to‘lov amalga oshirishning innovatsion va zamonaviy yechimi sanaladi, u pul mablag‘larini qabul qilishda yuzaga keladigan barcha muammolarni hal etish imkonini beradi.Buning uchun yo‘lovchiga kartani maxsus terminal (validator)ga qo‘yish kifoya. Terminalda ma’lumot almashinuvi sanoqli soniyalarda amalga oshiriladi va kartadan zarur mablag‘ yechib olinadi. To‘lov amalga oshirilgandan so‘ng terminalda operatsiyani tasdiqlaydigan chek chiqadi. Mazkur chekni yo‘nalish bo‘ylab harakat yakunlanguncha saqlab qo‘yish tavsiya etiladi.Avvalroq, ushbu tizim Samarqandda yo‘lga qo‘yilgan bo‘lib, u o‘zining ijobiy natijalarini ko‘rsata boshlagandi.Yaqin orada TezCard kompaniyasi turli to‘lov tizimlar orqali hisobni to‘ldirish imkonini yo‘lga qo‘yishni rejalashtirgan, bu to‘lov tizimini ishlatishda qulaylik yaratadi.