2018 йилнинг 24 ноябрь куни Фарғона вилояти Unitel’ МЧЖнинг «Янги қишлоқ» ҚВП ҳудудида жойлашган таянч станцияга ўрнатилган антенна мачта иншооти қулади. Бу ҳақда «Дарё»га «Ўзалоқаназорат» ахборот хизмати хабар берди.
Натижада станция орқали хизмат кўрсатиб келинган 4 та таянч станция хизмат кўрсатишдан тўхтади. Ҳодиса оқибатида вилоятнинг Учкўприк тумани Тошкентли гузар, Қақир, Қумбости, Рахматулло, Тожик қишлоқ, Мулла Зоир ва Ўзбекистон тумани, Навбаҳор, Қози Калон, Қум маҳалла, Ойдин Булоқ қишлоқлари ҳудудларида яшовчи 2000 га яқин Unitel абонентлари мобил алоқа хизматларидан узилди.«Unitel мобил алоқа оператори томонидан ушбу ҳодиса оқибатларини бартараф этиш, алоқа хизматларини тиклаш бўйича ҳозирча ҳеч қандай чора кўрилмади», — дейилади хабарда.« ‘Ўзалоқаназорат’ Unitel’га тезкор авария тиклаш ишларини амалга оширишни ва аҳолига мобил алоқа хизматини тиклашни сўраб тақдим этганига кўрсатмасига қарамай ҳозиргача алоқа тикланмади», —дейилади хабарда.
Изоҳ (0)