Mirzo Ulug‘bek innovatsiya markazi direktori Farhod Ibragimov o‘z lavozimini tark etdi. Bu haqda Hukumatdagi manbalariga asoslanib, “Gazeta.uz” xabar berdi.
2017-yilning 1-dekabridan beri ushbu lavozimda faoliyat yuritib kelgan Farhod Ibragimov oktabr oyida ishdan ketgan edi, biroq markaz ma’muriyati ushbu ma’lumotni rad etib kelayotgan edi.
Noyabr oyida innovatsiya markazi direktori lavozimini Nodir Dehqonov egalladi.
Qayd etilishicha, MUIC kadrlar tarkibi qayta shakllantirilgan. Farhod Ibragimov esa O‘zbekiston axborot texnologiyalari va kommunikatsiyalarini rivojlantirish vazirligi tizimiga ishga o‘tgan. MUIC matbuot xizmati rahbariyat o‘zgarishiga hech qanday izoh bermagan.
Mirzo Ulugbek Innovation Center innovatsiya markazi O‘zbekiston Prezidenti Shavkat Mirziyoyevning 2017-yil 30-iyundagi “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari to‘g‘risida”gi farmoniga muvofiq tashkil etilgan.
Izoh (0)