FVV: O‘zbekistonda dekabr boshidan haqiqiy qish ob-havosi kirib kelishi kutilmoqda

O‘zbekiston hududiga Turkmanistondan nam havo massalari kirib keldi. Bu haqda FVV matbuot xizmati xabar bermoqda.

Respublika bo‘yicha ba’zi joylarda yomg‘ir yog‘adi: tog‘li hududlarda yog‘ingarchilik bo‘ladi, 27-noyabrda ba’zi joylarda kuchli bo‘lishi ham mumkin. Havo harorati biroz pasayadi va 27-noyabrda 2-7 daraja iliqni tashkil etadi.

28-noyabrda respublika bo‘yicha yog‘ingarchilik kutilmaydi, faqat Surxondaryo viloyati va Farg‘ona vodiysi viloyatlari bo‘yicha yog‘ingarchilik bo‘lishi ehtimoli saqlanib turadi. 29—30-noyabrda iliq va quruq havo bo‘lishi kutilmoqda. Harorat kunduzi 13-15 daraja iliqqacha asta-sekin ko‘tariladi.

Qish mavsumining birinchi oyi haqiqiy qish ob-havosi bilan kutib oladi. 1-dekabrda respublika hududlarining ko‘p qismida yog‘ingarchilik (yomg‘ir qorga aylanishi mumkin) kutilmoqda. 2- dekabrda quruq va sovuq ob-havo o‘rnashadi. Harorat foni 7-9 darajagacha pasayadi. 2-dekabr kechasi 2-7 daraja sovuqni, kunduzi 3-8 daraja iliqni tashkil etadi.