Belgiya poytaxti Bryusselda sud nazoratchilari mashhur ko‘cha rassomi Benksining shahardagi san’at galereyalaridan birida ko‘rgazmaga qp‘yilgan 60 ta asarini hibsga oldi. Asarlarning qiymati 15 million yevroga baholanmoqda. Bu haqda “RIA Novosti” xabar berdi.
Benksi ishlarining ko‘rgazmasi haqida avvalroq Strokar zamonaviy san’at galereyasi tomonidan e’lon qilingan, ko‘rgazma dekabr oyining oxirigacha davom etishi kerak edi.
Sud nazoratchilari Strokar galereyasining murojaatiga asosan chiqarilgan sud qarorini bajarmoqda. Korgazmani o‘zida qabul qilgan galereyaning bunday murojaat bilan chiqishiga Germaniya va Buyuk Britaniyada ro‘yxatdan o‘tgan ikki kompaniyaning ko‘rgazma huquqi yuzasidan bahslashayotgani sabab bo‘lgan.
Galereya vaziyatdan kelib chiqqan holda, ikki kompaniya o‘rtasidagi bahs hal qilinguniga qadar Germaniyadagi kompaniya tomonidan taqdim etilgan asarlarni sud tomonidan hibsga olinishini so‘ragan.
Izoh (0)