O‘zbekiston tovar xom ashyo birjasining Olmaotada savdo maydonchasi ish boshladi. Bu haqda “Daryo”ga birja matbuot xizmati ma’lum qildi.
Savdo maydonchasining ta’sischisi Qozog‘istonning “Alta va K” brokerlik kompaniyasi bo‘lib, u “O‘zRTXB” AJda akkreditatsiyadan o‘tgan ilk xorijiy brokerlik kompaniyasi hisoblanadi. Ayni vaqtda “Alta va K” Qozog‘iston kompaniyalarining birja savdolarida ishtirokini tashkillab, qozoq va o‘zbek tovar ishlab chiqaruvchilarini birja savdolariga keng jalb qilish maqsadida marketing tadbirlarini o‘tkazmoqda.
Ilk bosqichda mazkur savdo maydonchasi orqali yuqori likvidli tovarlar xususan, polietilen, polipropilen, paxta va rangli metallarni Qozog‘istonga sotilishi, shuningdek, O‘zbekistonga don mahsulotlari, ko‘mir va sement import qilinishi ko‘zda tutilgan.
Izoh (0)