O‘zbekistondan xorijga aldov yo‘li bilan olib chiqib ketilayotgan uch nafar ayol to‘xtatib qolindi. Bu haqda O‘zA xabar berdi.
Toshkent viloyati Qibray tumani “Zafarobod” mahalla fuqarolar yig‘ini hududida joylashgan “Mayskiy” chegara posti orqali 28 yoshli J.U Namangan viloyati Uchqo‘rg‘on tumanida yashovchi 32 yoshli N.O, 28 yoshli O.N. va Samarqand viloyati Narpay tumanida yashovchi 26 yoshli M.R.ni xorijda “yaxshi daromadli ish” topib berishni va’da qilib, ularni Qozog‘iston hududiga olib o‘tib ketayotgan vaqtida to‘xtatib qolindi.
Qayd etilishicha, uchala ayol ham O‘zbekiston hududiga qaytarildi.
J.U.ga nisbatan esa O‘zbekiston Respublikasi Jinoyat kodeksning odam savdosi bilan bog‘liq moddalariga muvofiq jinoyat ishi qo‘zg‘atildi. Tergov harakatlari olib borilmoqda.
Izoh (0)