Bugun, 31-oktabr kuni Toshkent shahri Chilonzor tumani Dilxush ko‘chasi 37-uyda istiqomat qiluvchi fuqaro Alisher Akbarov xonadonida qayd etilgan fojiali holatga oydinlik kiritildi. Bu haqda Sog‘liqni saqlash vazirligi matbuot xizmati “Daryo”ga ma’lum qildi.
Sog‘liqni saqlash vaziri o‘rinbosari, Respublika bosh Davlat sanitariya shifokori Saidmurod Saidaliyevning bildirishicha, sud-tibbiy espertiza natijalariga ko‘ra, o‘lim holatlariga taom emas, balki is gazidan o‘tkir zaxarlanish sabab bo‘lgan.
Avval xabar qilinganidek, Alisher Akbarovning 42 yoshli ayoli Umida Xaitova 2018-yil 30-oktabr 23:30 larda bolalar, uyning ikkinchi qavatidagi xonaga chiqib, uxlashgan. Ularda hech qanday kasallik belgilari kuzatilmagan. Xaitovaning, taxminan, soat 23:30 larda boshi qattiq og‘rigan, ko‘ngli aynib, va ko‘p marta qayt qilgan. Xonadon egasi Akbarov bu vaqtda uyda bo‘lmagan, taxminan, soat 00:00da uyga qaytgan. Turmush o‘rtog‘ining sog‘lig‘i yomonlashganligi to‘g‘risida tez tibbiy yordam xizmatiga murojaat qilinmagan. Er-xotin binoning birinchi qavatida uxlagan.
2018-yil 31-oktyabr tong soat 04:00 larda Xaitova ikkinchi qavatdagi farzandlari uxlayotgan xonani ochib ko‘rganda bolalarini og‘zidan ko‘pik qusuqlari chiqib, bexush holda yotganligini ko‘rib, tez tibbiy yordam xizmatiga murojaat qilgan. Soat 04:30 da tez tibbiy yordam mutaxassislari kelib, ular tomonidan Xaitovaning qizlari Aziza Akbarova (1996-yil), E’zoza Akbarova (2001-yil), Iroda Akbarova (2003-yil) va o‘g‘li Farrux Akbarov (2012-yil)da biologik o‘lim holati qayd etilgan.
Ayni paytda is gazidan yengil darajada o‘tkir zaxarlangan Umida Xayitova Respublika Shoshilinch tibbiy yordam ilmiy markazida tibbiy yordam ko‘rsatilmoqda, ahvoli qoniqarli.
Ma’lumot uchun, ushbu xonadon egalari Dilxush ko‘chasi 37-uydagi yangi qurilgan 3 qavatli binoga yaqinda ko‘chib o‘tishgan. Uy yer to‘lada o‘rnatilgan, tabiiy gazda ishlaydigan isitish qozoni orqali isitiladi.
Izoh (0)