Qozog‘istonda O‘zbekiston yili doirasida O‘zbekiston davlat san’at va madaniyat instituti vakillaridan iborat delegatsiya 25—29-oktabr kunlari Qozog‘istonning Turkiston viloyatida xizmat safarida bo‘ldi, deb xabar beradi O‘zA.
Mazkur folklor ekspeditsiya guruhi qo‘shni davlatda istiqomat qilayotgan o‘zbeklar xalq og‘zaki ijodini o‘rganish bo‘yicha tadqiqotlar o‘tkazdi. Ushbu tadbir qardosh davlatlar o‘rtasida do‘stlik munosabatlarini mustahkamlash, madaniy aloqalarni rivojlantirish maqsadiga xizmat qiladi, deyiladi xabarda.