Havaskor boksda jahon chempionati sovrindori, Osiyo chempioni hisoblangan o‘zbekistonlik Elnur Abduraimov 19-oktabr kuni tongda AQShda professional boksdagi ikkinchi jangini o‘tkazadi, deb xabar beradi MOQ matbuot xizmati.
Bu safar Elnurga amerikalik Xose Salinas raqiblik qiladi. 20 yoshli Salinas professional boksda 6 marotaba ringga chiqib, ularning barchasida g‘alaba qozongan. Uchta jangda raqiblarini muddatidan oldin mag‘lub etgan. Elnur esa bir necha kun oldin prof ringdagi debyutini nishonlagan va jangda amerikalik Aron Hollinsni nokautga uchratgandi.
Jangga AQShning Kaliforniya shtati Indio shahridagi Fantasy Springs Casino arenasi mezbonlik qiladi.
Izoh (0)