Argentinada III yozgi o‘smirlar Olimpiya o‘yinlari nihoyasiga yetib bormoqda. Kecha, 16-oktabr kuni uch nafar o‘zbekistonlik bokschi yarim final janglarida ishtirok etdi.
-69 kg vazn toifasida musobaqada ishtirok etgan Jahongir Rahmonov argentinalik Agustin Arreguiga qarshi jang qildi va imkoniyatni boy berib qo‘ydi. -81 kg vaznli Timur Merjanov rossiyalik Ruslan Kolesnikovga mag‘lub bo‘ldi.
-56 kg vazn toifasida O‘zbekiston sharafini himoya qilgan Abdumalik Xalakovning argentinalik bokschi Mirko Kueloga qarshi jangda Abdumalik g‘alaba qozondi va final yo‘llanmasiga ega bo‘ldi.
Endi ikki nafar o‘zbekistonlik bokschi bronza medali uchun jang qilsa, biri oltin medal uchun ringga ko‘tariladi.
17-oktabr, chorshanba
Bronza medali uchun:
-69 kg: Jahongir Rahmonov – Nijat Hasanov (Ozarbayjon) (22:00).
18-oktabr, payshanba
Oltin medal uchun:
-56 kg: Abdumalik Xalakov – Maksim Kalinichev (Ukraina) (21:30).
Bronza medali uchun:
-81 kg: Timur Merjanov – Yusuf Ali Karar (Misr) (22:45).
Izoh (0)