Jizzax viloyatining Sh.Rashidov tumanida 11-oktabr kuni Buxoro tumanida yashovchi S.B. boshqaruvidagi Isuzu rusumli avtobus boshqaruv yo‘qotilishi oqibatida yo‘l chetiga yonboshlab qoldi. Bu haqda IIV jamoatchilik va OAV bilan aloqalar boshqarmasi xabar berdi.
Voqea “Jizzax—Do‘stlik—Gagarin” yo‘lining 23-kilometrida sodir bo‘ldi. Avtobus salonida jami 28 nafar yo‘lovchi bo‘lgan.
Hodisa oqibatida 3 nafar yo‘lovchi jarohat olib, kasalxonaga yotqizildi, 16 nafar yo‘lovchiga tibbiy yordam ko‘rsatildi.
Surishtiruv ishlari olib borilmoqda.
Izoh (0)