Mirzo Ulug‘bek va Mirobod tuman hokimligida tuman xotin-qizlar qo‘mitalarining hisobot-saylov konferensiyasi bo‘lib o‘tdi. Bu haqda poytaxt hokimligi axborot xizmati xabar bermoqda.
Mirobod tumanida bo‘lib o‘tgan tadbirda 150 nafar ishtirokchilar, jumladan tuman Xotin-qizlar qo‘mitasining Boshqaruvi a’zolari va joylarda boshlang‘ich tashkilotlardan saylangan delegatlar ishtirok etdilar. Yig‘ilishda tashkiliy masala ko‘rib chiqilib, 2012-yildan Mirobod tuman xotin-qizlar qo‘mitasi raisi lavozimda ishlab kelgan Madaminova Feruza Vohidovna kayta shu lavozimga saylandi.
Mirzo Ulug‘bek tumanida bo‘lib o‘tgan hisobot-saylov konferensiyasi kun tartibiga ko‘ra, qo‘mitaning 9 oy davomidagi faoliyati, O‘zbekiston Xotin-qizlar qo‘mitasining yangi tahrirdagi Nizomiga takliflar, tuman xotin-qizlar qo‘mitasi Boshqaruv a’zolarini saylash masalalari muhokama qilindi.
Yig‘ilish kun tartibidagi tashkiliy masala ko‘rildi. Unga ko‘ra, Mirzo Ulug‘bek tuman xotin-qizlar qo‘mitasi raisi etib, Safarova Xurshida Ochilovna saylandi. Shuningdek, hisobot-saylov konferensiyada qo‘mita nazorat taftish komissiyasi tarkibi ham tasdiqlandi.
Yig‘ilishda yo‘l qo‘yilgan kamchiliklarga tanqidiy baho berilib, kelgusida amalga oshiriladigan ustuvor vazifalar belgilab olindi. Ma’lumot uchun, bugungi kunda tumanda 539 ta boshlang‘ich tashkilotlar mavjud. Konferensiya ishida ularning 220 nafar vakil ishtirok etdi.
Tadbir so‘ngida yuqorida keltirilgan amaliy ishlarimizda o‘zining jonkuyarligi va samarali faoliyati bilan ish olib borayotgan tuman boshqarmalari a’zolariga tashakkurnoma va esdalik sovg‘alari topshirildi.
Izoh (0)