Мирзо Улуғбек ва Миробод туман ҳокимлигида туман хотин-қизлар қўмиталарининг ҳисобот-сайлов конференцияси бўлиб ўтди. Бу ҳақда пойтахт ҳокимлиги ахборот хизмати хабар бермоқда.
Миробод туманида бўлиб ўтган тадбирда 150 нафар иштирокчилар, жумладан туман Хотин-қизлар қўмитасининг Бошқаруви аъзолари ва жойларда бошланғич ташкилотлардан сайланган делегатлар иштирок этдилар. Йиғилишда ташкилий масала кўриб чиқилиб, 2012 йилдан Миробод туман хотин-қизлар қўмитаси раиси лавозимда ишлаб келган Мадаминова Феруза Воҳидовна кайта шу лавозимга сайланди.
Мирзо Улуғбек туманида бўлиб ўтган ҳисобот-сайлов конференцияси кун тартибига кўра, қўмитанинг 9 ой давомидаги фаолияти, Ўзбекистон Хотин-қизлар қўмитасининг янги таҳрирдаги Низомига таклифлар, туман хотин-қизлар қўмитаси Бошқарув аъзоларини сайлаш масалалари муҳокама қилинди.
Йиғилиш кун тартибидаги ташкилий масала кўрилди. Унга кўра, Мирзо Улуғбек туман хотин-қизлар қўмитаси раиси этиб, Сафарова Хуршида Очиловна сайланди. Шунингдек, ҳисобот-сайлов конференцияда қўмита назорат тафтиш комиссияси таркиби ҳам тасдиқланди.
Йиғилишда йўл қўйилган камчиликларга танқидий баҳо берилиб, келгусида амалга ошириладиган устувор вазифалар белгилаб олинди. Маълумот учун, бугунги кунда туманда 539 та бошланғич ташкилотлар мавжуд. Конференция ишида уларнинг 220 нафар вакил иштирок этди.
Тадбир сўнгида юқорида келтирилган амалий ишларимизда ўзининг жонкуярлиги ва самарали фаолияти билан иш олиб бораётган туман бошқармалари аъзоларига ташаккурнома ва эсдалик совғалари топширилди.
Изоҳ (0)