O‘zbekiston Respublikasi Prezidentining “Ichki ishlar organlari faoliyatini yanada takomillashtirishga doir tashkiliy chora-tadbirlar to‘g‘risida”gi qarori ijrosini ta’minlash yuzasidan Samarqand tumani Ichki ishlar bo‘limiga qarashli 21-sonli IIB ma’muriy binosi yangidan qurib, foydalanish uchun topshirildi. Bu haqida “Daryo” muxbiri Farhod Norbo‘tayev xabar bermoqda.
Tumandagi Qaynama massivida yangidan qurib bitkazilgan ichki ishlar bo‘linmasi hududdagi 11 ta mahalla fuqarolar yig‘inlaridagi 30 mingga yaqin aholiga xizmat qiladi. Ushbu hududda 5 ta maktabgacha ta’lim muasasasi va 8 ta umumta’lim maktablari joylashgan.
Avvallari Qaynama massivi aholisi pasport olish uchun tuman markazidagi Ichki ishlar bo‘limiga borib murojaat qilgan bo‘lsa, endi bu ishlarni shu yerning o‘zida bajarish imkoni paydo bo‘ldi.
Ichki ishlar binosining foydalanishga topshirilishi soha xodimlarining kasb bayramida munosib sovg‘a bo‘ldi.
Izoh (0)