Namangan shahri markazidagi Marg‘ilon ko‘chasining uzunligi 3,5 kilometr bo‘lib, ushbu yo‘l viloyatni qo‘shni Farg‘ona bilan bog‘laydi. Bu haqda O‘zA xabar bermoqda.
Mazkur hudud “Buzilish ro‘yxati (snos)ga kiritilgan” bahonasi bilan yarim asrdan ziyod vaqtdan buyon ta’mirlanmagan. Yo‘lning o‘nqir-cho‘nqirligi avtomobillar qatnovi uchun juda noqulay.
Tabiiyki, bunday nosozlik harakat xavfsizligiga ham salbiy ta’sir o‘tkazmoqda. Rahbarlar esa “Ko‘cha buzilib kengaytiriladi, shu bois ta’mirlay olmaymiz”, degan bir xil javobdan nariga o‘tmaydi.
Mana, yog‘in-sochinli kunlar ham boshlandi. Demak, transport vositalari harakatida muammolar yanada ko‘payadi.
Xo‘sh, yo‘lni ta’mirlash shunchalar qiyinmi? Haydovchi va yo‘lovchilar yana qancha vaqt sabr qilishi kerak?
Izoh (0)