Samarqand davlat universitetida 8-oktabr kuni O‘zbekiston Respublikasi Prezidenti huzuridagi Davlat boshqaruvi akademiyasining hududiy filiali ish boshladi. Bu haqda O‘zA xabar bermoqda.
– Bu yerda Samarqand, Buxoro va Navoiy viloyatlari shahar va tuman hokimlarining o‘rinbosarlari, davlat boshqaruvi organlarining hududiy bo‘linmalari rahbarlari malaka oshiradi, – deydi filialda o‘qish boshlanishi munosabati bilan o‘tkazilgan tadbirda ishtirok etgan akademiya prorektori X.Azizov. – O‘quv kursida 72 soatlik dastur asosida rahbarlik faoliyatiga oid mavzularda dars mashg‘ulotlari o‘tiladi.
Mashg‘ulotlar zamonaviy axborot-kommunikatsiya va innovatsion ta’lim texnologiyalarini qo‘llagan holda vebinar, suhbat, trening va mustaqil ta’lim shakllarida olib boriladi. Kursni muvaffaqiyatli o‘tagan tinglovchilarga sertifikat beriladi.
Hududiy filialning dastlabki 30 nafar tinglovchisi shu kuni o‘qishni boshladi.
Izoh (0)