Xitoy ilk bor Toshkent xalqaro turizm yarmarkasida ishtirok etadi. Bu haqda Turizmni rivojlantirish qo‘mitasi ma’lum qildi.
Tadbirda Markaziy Osiyo bo‘yicha mintaqaviy vakil taqdimot bilan qatnashadi, vakolatxona stendi esa 200 kvadrat metr maydonni egallaydi.
“O‘zekspomarkaz”da 3—5-oktabr kunlari bo‘lib o‘tadigan ko‘rgazmada Xitoyning ishtirok etishi anjuman turizm sohasida tajriba almashish maydoniga aylanib borayotgani va O‘zbekistonga qiziqish ortayotganidan dalolat beradi.
Ma’lumot uchun, bugungi kungacha Xitoyning 3200 nafardan ortiq fuqarosi O‘zbekistonga kirish elektron vizalarini qo‘lga kiritdi. Bu berilgan jami elektron vizalarning deyarli chorak qismini tashkil etadi.
Izoh (0)