Chimyon rossiyaliklar orasida MDHning eng ommabop tog‘-chang‘i kurortlari reytingida 6-o‘rinni egalladi

Chimyon rossiyaliklar orasida MDH mamlakatlaridagi eng talabgir tog‘-chang‘i sayohatlari ro‘yxatida oltinchi o‘rinni egalladi, deb yozadi “Podrobno.uz”.

“TurStat” tahlil agentligi ma’lumotlariga ko‘ra, 2018—2019-yil qishida O‘zbekiston kurortlarida o‘rtacha 7 kun dam olishni rejalashtirishmoqda. Chimyonda sayyohlik budjeti sutkasiga 70 dollarni tashkil etadi. Ayni vaqtda eng arzon qishki hordiq Belarusning Silichi va Logoysk tog‘-chang‘i kurortlariga to‘g‘ri keladi.

MDH mamlakatlaridagi eng ommabop tog‘-chang‘i kurortlari o‘ntaligi:

1. Chimbuloq, Qozog‘iston
2. Gudauri, Gruziya
3. Shohdog‘, Ozarbayjon
4. Silichi, Belarus
5. Saxkadzar, Armaniston
6. Chimyon, O‘zbekiston
7. Qorako‘l, Qirg‘iziston
8. Logoysk, Belarus
9. To‘fondog‘, Ozarbayjon
10. Oltoy Alp tog‘lari, Qozog‘iston.