Чимён россияликлар орасида МДҲнинг энг оммабоп тоғ-чанғи курортлари рейтингида 6-ўринни эгаллади

Чимён россияликлар орасида МДҲ мамлакатларидаги энг талабгир тоғ-чанғи саёҳатлари рўйхатида олтинчи ўринни эгаллади, деб ёзади «Podrobno.uz».

«ТурСтат» таҳлил агентлиги маълумотларига кўра, 2018—2019 йил қишида Ўзбекистон курортларида ўртача 7 кун дам олишни режалаштиришмоқда. Чимёнда сайёҳлик бюджети суткасига 70 долларни ташкил этади. Айни вақтда энг арзон қишки ҳордиқ Беларуснинг Силичи ва Логойск тоғ-чанғи курортларига тўғри келади.

МДҲ мамлакатларидаги энг оммабоп тоғ-чанғи курортлари ўнталиги:

1. Чимбулоқ, Қозоғистон
2. Гудаури, Грузия
3. Шоҳдоғ, Озарбайжон
4. Силичи, Беларусь
5. Сахкадзар, Арманистон
6. Чимён, Ўзбекистон
7. Қоракўл, Қирғизистон
8. Логойск, Беларусь
9. Тўфондоғ, Озарбайжон
10. Олтой Альп тоғлари, Қозоғистон.