Qozog‘iston O‘zbekiston bilan hamkorlikda sun’iy yo‘ldosh yaratishni rejalashtirmoqda. Bu haqda Qozog‘iston mudofaa va aerokoinot sanoati vazirligi xalqaro harbiy-texnik hamkorlik departamenti direktori Aslanbek Sirlanov ma’lum qildi, deya xabar beradi “Kazinform”.
Bu qurilma nafaqat Qozog‘iston yoki O‘zbekistonga, balki mintaqaning boshqa davlatlariga ham xizmat qilishi mumkinligi bildirilmoqda.
“Hozir o‘zbekistonlik hamkasblarimiz xorijiy sun’iy yo‘ldoshlardan foydalanmoqda. Shu sababli hamkorlikda bitta shunday qurilma qurish taklifi tushdi”, — dedi Sirlanov.
Shuningdek, Markaziy Osiyo davlatlari hamkorligi doirasida biryo‘la 5 ta sun’iy yo‘ldosh qurish g‘oyasi ham muhokama qilinmoqda. Shunda mintaqaning har bir davlati bittadan qurilmani boshqarishi, qolaversa, har bir qurilmadagi ma’lumotlardan foydalanishi mumkin bo‘ladi.
Izoh (0)