Rossiyaning Kosmik tadqiqotlar instituti Oy yuzasidagi muzning yangilangan xaritasini taqdim etdi. Bu haqda “RIA Novosti” xabar berdi.
Xaritaning avvalgi talqini 2015-yilda taqdim etilgan.
Oyning janubiy qutbi gruntidagi suv muzlarining tarqalish xaritasi LRO apparati bortidagi Rossiyaning LEND neytron teleskopi ma’lumotlari asosida yaratilgan. Apparatning kosmosdagi faoliyatiga 2018-yilning sentabr oyida sakkiz yil to‘ldi.
LEND qurilmasi Oy yuzasidan chiquvchi neytron oqimlarini qabul qiladi va vodorod miqdorini aniqlaydi. Uning asosida esa suv muzlarining ehtimoliy ulushi haqida taxmin qilish mumkin.