Rossiyalik biznesmen Arkadiy Rotenberg Vladimir Putin bilan eski tanish sifatida “senlab”, ammo prezident sifatida “sizlab” gaplashishini aytdi, deb yozadi “RBK”.
“Prezident bilan ‘sizlab’, o‘zim bolalikdan tanish bo‘lgan odam bilan esa ‘senlab’ gaplashaman. Men uni ‘sizlab’ gapirsam, tentaklik bo‘lardi”, — dedi Rotenberg “Rossiya 1” telekanalidagi ko‘rsatuvda bergan intervyusida.
Biznesmenning so‘zlariga ko‘ra, uning Putin bilan “ta’sirli munosabatlari” prezidentning atrofidagilarda hasad uyg‘otishi amri mahol. “Biz birga o‘sdik, shu sababli bu bizda bolalikdan qolgan. Bu kimdadir hasad tuyg‘usini uyg‘otadi deb o‘ylamayman. Bu bolalik paytimizdan qolgan go‘daklarcha vaqtichog‘likdir. Buning umuman Rossiya Federatsiyasi prezidentiga aloqasi yo‘q. Bizning munosabatlarimiz bolalikdan shunday. Prezident esa — umuman boshqa narsa”, — deya aniqlik kiritdi u.
Izoh (0)