Shahrisabz shahrida Prezidentimiz Shavkat Mirziyoyev tashabbusi bilan 2018-yilning 6—10-sentabr kunlari I Xalqaro maqom anjumani o‘tkaziladi. Shu maqsadda Amir Temurning haykali o‘rnatilgan Oqsaroy maydoni hududida respublikaning har bir viloyati o‘ziga xos milliy urf-odat va an’analari, tarixiy obidalarini aks ettiruvchi namunalar o‘rnatilgan. Bu haqda Matbuot va axborot agentligi matbuot xizmati xabar berdi.
Bu yerda turli sahna ko‘rinishlari, milliy kuy-qo‘shiqlar, yalla-yu laparlar ijro etilayapti.
Xalqaro maqom san’ati anjumanida 75 davlatdan 300 dan ortiq san’atkorlar ishtirok etish istagini bildirgan. Mahahlliy elektron va bosma OAV vakillaridan tashqari ko‘plab chet el ommaviy axborot vositalari xodimlari mazkur anjumanni yoritish uchun ro‘yxatdan o‘tgan.
Ayni paytda I Xalqaro maqom anjumani ishini ommaviy axborot vositalarida yoritish uchun maxsus tashkil etilgan Matbuot markazi mahalliy va xalqaro jurnalistlar bilan gavjum. Ularning anjuman haqidagi fikrlariga qiziqdik.
– Anjumanni yuksak saviyada o‘tkazish uchun puxta tayyorgarlik ko‘rilgan, – deydi “Rossiya 24” telekanali jurnalisti Robert Fransev. – Oqsaroy hududida mamlakat viloyat va shaharlarining diqqatga sazovar joylari, tarixiy obidalari, milliy urf-odat va an’analaridan namunalar tashkil etilgani anjumanga o‘ziga xos mazmun bag‘ishlagan. Ular menda katta taasurot qoldirdi. Maqom san’ati O‘zbekistonning milliy brendi sifatida dunyoga tanilishi, shubhasiz.
Izoh (0)