Ijtimoiy tarmoqlarda 29-avgust kuni 9 yoshli Robiya Eltoyeva yo‘qolib qolganligi haqidagi xabarlar tarqalgandi. Bu haqda Toshkent shahar IIBB matbuot xizmati ma’lum qildi.
Yunusobod tumanida yashovchi qiz uyidan taxminan soat 12:00 da axlat to‘kkani chiqib ketib, qaytib kelmagan. Oradan bir soat o‘tgach farzandining yo‘qligidan xavotirga tushgan ota-ona 102 raqamiga qo‘ng‘iroq qilgan.
Toshkent shahar IIBB xodimlari tomonidan zudlik bilan tezkor-qidiruv tadbirlari amalga oshirildi. Oradan bir necha daqiqa o‘tgach Robiyaning qayerda ekanligi aniqlandi.
Ma’lum bo‘lishicha, Robiya uyga qaytayotganida do‘stlarini uchratib qoladi va ular bilan aylangani Mega Planet savdo-ko‘ngilochar markaziga boradi. Bu haqda ota-onasini ogohlantirib qo‘yish esa xayoliga kelmaydi…
Izoh (0)