Nikaragua hukumati prezident ma’muriyati amalga oshirgan repressiyalar va qonun buzilishlari qoralangan hisobotdan so‘ng BMT inson huquqlari bo‘yicha delegatsiyasini mamlakatdan badarg‘a qilishga ko‘rsatma berdi. Bu haqda “Korrespondent.net” xabar bermoqda.
Mamlakat tashqi ishlar vaziri Denis Monkadimga ko‘ra, Nikaragauga delegatsiyani taklif etishga undagan sabab va sharoitlar o‘zgargan. Shu bois BMTning inson huquqlari bo‘yicha vakillariga hozirda ehtiyoj yo‘q.
Xalqaro tashkilotning inson huquqlari bo‘yicha oliy komissari boshqarmasi mintaqaviy bo‘linmasi Nikaraguada bu boradagi holatni kuzatish va ma’lumotlarni taqdim qilishni davom etishini bildirdi.
BMT delegatsiyasi 29-avgust kuni e’lon qilgan hisobotda Nikaragua politsiyasi tomonidan qo‘llangan kuch ishlatish va qotilliklar, hibsxonalardagi qiynoqlar haqida so‘z borgandi.
Izoh (0)