Xitoy alkogol suiiste’molidan o‘lish darajasi eng yuqori mamlakat bo‘lib chiqdi, deb yozadi “Gazeta.ru”.
The Lancet tibbiyot jurnalida chop etilgan ma’lumotlarga ko‘ra, 2016-yilda Xitoyda alkogol bilan bog‘liq muammolar tufayli 59 ming ayol va 650 ming erkak vafot etgan. Reytingda ikkinchi o‘rinni ayollar o‘rtasidagi 42 ming va erkaklar o‘rtasidagi 290 ming o‘lim bilan Hindiston egalladi. Rossiya yuqori uchlikka yakun yasadi: bu yerda alkogol suiiste’molidan 43 ming ayol va 180 ming erkak vafot etgan.
Aholisi Rossiyanikidan ikki karra ortiq bo‘lgan AQSh reytingning beshinchi pog‘onasida joylashdi — u yerda 2016-yilda alkogoldan 19 ming ayol va 71 ming erkak halok bo‘ldi.
Izoh (0)