Samarqandda yil oxirigacha 12 ta mehmonxona qurib bitkaziladi. 2019 yil oktabrigacha yana 15 ta, 2020 yil martigacha esa yana 17 ta mehmonxonani foydalanishga topshirish koʻzda tutilgan, deya xabar bermoqda Spot.
Oʻzbekiston Prezidentining 2018-yil martida Samarqandga tashrifi chogʻida turistlar oqimining keskin koʻpayishini inobatga olib, 2018—2019-yillarda 25 ta mehmonxona qurish boʻyicha topshiriq bergan.
Uning ijrosini oʻz vaqtida taʼminlash maqsadida 44 ta loyiha takliflari shakllantirilgan. Bugungi kunda 28 ta loyiha boʻyicha amaliy ishlar boshlangan. Barcha loyihalar yakuniga yetkazilishi natijasida 7 mingdan ortiq turistga mehmonxona xizmati koʻrsatish imkoniyati yaratiladi.
Bundan tashqari, uy mehmonxonalarini tashkil etish boʻyicha 5 ta loyiha boʻyicha amaliy ishlar boshlangan. Hozirda shaharda 107 ta mehmonxona boʻlib, oʻtgan olti oy ichida yana ikkita yangi mehmonxona oʻz faoliyatini boshladi
Maʼlumotlarga koʻra, 2018-yilning yanvar—iyun oylarida Samarqand viloyatiga 160 mingdan ortiq xorijiy va 1 millionga yaqin mahalliy sayyohlar tashrif buyurdi. Reja boʻyicha, bu yil viloyatga 350 ming xorijiy va 1,5 million mahalliy turistlarning Samarqandga sayohatini tashkillashtirish koʻzda tutilgan.
Izoh (0)