Samarqand shahrida Silk Road Bazaar (“Ipak yoʻli bozori”) milliy hunarmandchilik va savdo festivali boshlandi. Bu haqda “Zarafshon” xabar bermoqda.
Festivalda Samarqand, Fargʻona va Qashqadaryo viloyatlari hamda Toshkent shahridan kelgan 80 nafardan ortiq usta-hunarmand oʻz mahsulotlari bilan ishtirok etmoqda.
Jumladan, kulolchilik, gilamdoʻzlik, zargarlik, yogʻoch oʻymakorligi, sangtaroshlik, kashtadoʻzlik, zardoʻzlik, naqqoshlik, chitgarlik singari hunarmandlik mahsulotlari, 50 dan ortiq turdagi Samarqand nonlari namoyish etilmoqda.
Folklor-etnografik jamoalarning chiqishlari, sahnalashtirilgan tomoshalar va konsert dasturlari ishtirokchilarda katta taassurot qoldirmoqda.
Shuningdek, saylda qandolat mahsulotlari, poliz ekinlari yarmarkasi tashkil etildi.
Festival 26-avgustga qadar davom etadi.
Izoh (0)