O‘zbekiston va Fransiya 2019—2021-yillarda xalq ta’limi va maktabgacha ta’lim sohalarida hamkorlik bo‘yicha maqsadli dasturni imzolash niyatida. Bu haqda Bosh vazir o‘rinbosari Aziz Abduhakimov boshchiligidagi delegatsiyaning Fransiya xalq ta’limi vazirligi rahbariyati bilan muzokaralari davomida ma’lum bo‘ldi, deya xabar beradi “Podrobno.uz”.
Uchrashuv chog‘ida, jumladan, maktabgacha ta’lim sohasida istiqbolli loyihalarni amalga oshirish, O‘zbekistondagi maxsus maktablar va fransuz tili darslari soatini ko‘paytirish, shuningdek, o‘quv materiallari, qo‘llanmalar va multimedia dasturlarini ishlab chiqish bo‘yicha kelishuvlarga erishildi.
Muzokaralar davomida fransuz tili va madaniyati markazlarini tashkil etish, ikki davlat ta’lim vazirliklari o‘rtasida yangi kelishuv va hamkorlik dasturlarini imzolash masalalari muhokama qilindi.
Izoh (0)