24-avgust kuni Xalqaro press klubning “Maktab taʻlimi: islohotlarning yangi bosqichidagi muhim oʻzgarishlar va muammolar tahlili” mavzusidagi navbatdagi sessiyasi bo‘lib o‘tdi. Bu haqda “Daryo” muxbiri Sevara Nishonova xabar berdi.
Ushbu sessiyada maktablarda sinf va maktab fondiga ota-onalardan pul yig‘ish holatlari ham tilga olindi.
“Hozir men sentabrdan boshlab hech qaysi maktabda pul yig‘ilmaydi, desam yolg‘onchiga aylanib qolaman. Maktab o‘qituvchilarining oyligi oshirildi, kelgusida maktablarni rivojlantirish uchun investorlar jalb etiladi, majburiy obuna tizimi bekor qilindi. Viloyat hokimliklari ham maktablarni ta’mirlash uchun imkon qadar ko‘mak bermoqda.
Maktablarda pul yig‘-yig‘larning ko‘pligi sabablaridan biri tekshiruvlarning ko‘pligi. 207 ming marta tekshiruv bo‘lgan ekan maktablarning hammasida. Har bir tekshiruvchi bu xarajat degani. Hech bo‘lmaganida ularning tushligi o‘qituvchilarning zimmasiga tushadi. Majburiy obuna, ko‘chani obodonlashtirish ham bu illatning ko‘payishiga sabab bo‘lgan. Bosqichma-bosqich bu narsa kamayib, oxiri yo‘q bo‘lishi kerak”, — deydi ushbu holatga izoh berar ekan Xalq ta’limi vaziri Sherzod Shermatov.
Izoh (0)