O‘zbekiston normativ-huquqiy hujjatlar loyihalari muhokamasi portalida Ichki ishlar vazirligi tomonidan tayyorlangan “Alkogolli mahsulotlar bilan chakana savdo qilishni tartibga solishga doir qo‘shimcha chora-tadbirlar haqida”gi Vazirlar Mahkamasi qarori loyihasi muhokama uchun e’lon qilindi, deb yozadi “Gazeta.uz”.
Hujjat loyihasida qayd etlishicha, mazkur qaror alkogolli mahsulotlar bilan chakana savdo qilish joylarida hamda umumiy ovqatlanish obyektlarida jamoat tartibini saqlash va fuqarolar xavfsizligini ta’minlash, huquqbuzarliklarning oldini olish, shuningdek alkogolli mahsulotlarning chakana savdosi ustidan nazoratni yanada kuchaytirish maqsadida qabul qilinmoqda.
Unga ko‘ra:
- savdo obyektlari va umumiy ovqatlanish korxonalarida soat 21:00 dan 09:00 ga qadar alkogolli mahsulotlarni sotishga yo‘l qo‘yilmaydi;
- alkogolli mahsulotlarni quyib savdo qilish faqat umumiy ovqatlanish korxonalarida alkogolli mahsulotlar bilan chakana savdo qilish huquqini beradigan ruxsat guvohnomasi asosida amalga oshiriladi;
- ko‘ngilochar savdo obyektlari va umumiy ovqatlanish korxonalarida xizmat ko‘rsatish soat 23:00 dan boshlab to‘xtatiladi.
- respublika hududida o‘rnatilgan tartibda faoliyat yuritayotgan mehmonxonalar va boshqa joylashtirish vositalari tarkibida tashkil etilgan;
- maxsus turizm zonalarida (erkin turizm zonalari, kichik turizm zonalari, turizm zonalari va turizm klasterlari) faoliyat yurituvchi;
- Tourist friendly tizimi orqali sertifikatlangan.
Savdo obyektlari va umumiy ovqatlanish korxonalariga berilgan alkogolli mahsulotlar bilan chakana savdo qilish huquqini beradigan ruxsat guvohnomalari mazkur qaror talablaridan kelib chiqqan holda qayta rasmiylashtiriladi.
Izoh (0)