O‘zbekiston bosh prokurori Otabek Murodov Sloveniya аdliya vaziri Goran Klemenchich hamda “Mintaqaviy muloqot” xalqaro nodavlat tashkiloti xodimlari Myusha Sever va Begzod Sharipov bilan uchrashdi. Bu haqda Bosh prokuratura matbuot xizmati ma’lum qildi.
Uchrashuvda mehmonlarga jinoiy qonunchilikdagi yangiliklar, “Korrupsiyaga qarshi kurash to‘g‘risidagi” qonun va ushbu qonunni amalga tadbiq etish bo‘yicha Prezidenti qarori, respublikada olib borilayotgan sud islohotlari va bu sohada prokuratura organlari roli haqida gapirildi.
Goran Klemenchich ma’lumotlar uchun minnatdorlik bildirib, O‘zbekistonda olib borilayotgan islohotlar xalqning o‘zidan kelib chiqayotganini ta’kidlab o‘tdi.
Uchrashuvda tomonlar ikki davlat o‘rtasida huquqiy sohada shartnomalar tuzish hamda O‘zbekiston prokuraturasi va Sloveniya аdliya vazirligi o‘rtasidagi professional aloqalarni rivojlantirish masalalari haqida suhbat olib bordi.
Izoh (0)