Ўзбекистон бош прокурори Отабек Муродов Словения адлия вазири Горан Клеменчич ҳамда «Минтақавий мулоқот» халқаро нодавлат ташкилоти ходимлари Мюша Север ва Бегзод Шарипов билан учрашди. Бу ҳақда Бош прокуратура матбуот хизмати маълум қилди.
Учрашувда меҳмонларга жиноий қонунчиликдаги янгиликлар, «Коррупцияга қарши кураш тўғрисидаги» қонун ва ушбу қонунни амалга тадбиқ этиш бўйича Президенти қарори, республикада олиб борилаётган суд ислоҳотлари ва бу соҳада прокуратура органлари роли ҳақида гапирилди.
Горан Клеменчич маълумотлар учун миннатдорлик билдириб, Ўзбекистонда олиб борилаётган ислоҳотлар халқнинг ўзидан келиб чиқаётганини таъкидлаб ўтди.
Учрашувда томонлар икки давлат ўртасида ҳуқуқий соҳада шартномалар тузиш ҳамда Ўзбекистон прокуратураси ва Словения адлия вазирлиги ўртасидаги профессионал алоқаларни ривожлантириш масалалари ҳақида суҳбат олиб борди.
Изоҳ (0)