Toshkent shahar Ichki ishlar bosh boshqarmasi poytaxtning Bektemir tumanidagi turar joyda yuz bergan yirik yong‘in tafsilotlarini oshkor qildi va yong‘inni o‘chirish chog‘ida o‘t o‘chiruvchilarga suv yetmay qolgani haqidagi xabarni rad etdi, deb yozadi “Podrobno.uz”.
“Bektemir tumanining Toshkandiy ko‘chasidagi to‘rt qavatli 57-uydagi yong‘in haqidagi xabar Toshkent IIBB YoXBga 17:46 da klib tushdi. Ko‘p qavatli uyning cherdaki, uchta xonadonning balkoni va xonalari yongan. Yong‘in maydoni 820 kv metrni tashkil qilgan. Birinchi o‘t o‘chiruvchilar otryadi voqea joyiga 17:54 da yetib borgan”, — deyishdi muassasada.
Yong‘inni o‘chirishga jami 8 ta asosiy jangovar o‘t o‘chiruvchi otryadlar jalb qilingan, shularning 6 tasi har biri 2 va 4 tonna suv hajmiga ega maxsus o‘t o‘chirish mashinalaridir, shuningdek, 4 ta narvon va bitta aloqa va yoritish maxsus mashinasi.
Yong‘in 19:40 da bartaraf etilgan. Yong‘inga ikkinchi qavatga o‘rnatilgan konditsioner simlaridagi qisqa tutashuv sabab bo‘lgani taxmin qilinmoqda. Versiyalardan biriga ko‘ra, uchqun uy devori bo‘ylab o‘sayotgan o‘simlikning quruq shoxlariga tushgan va u orqali cherdakning yog‘och konstruksiyasigacha yetib borgan. Olovga qarshi kurash tomdan olib borilgani sababli, bir nechta xonadon suvga to‘lgan.
Xonadonlardagi suv toshqini oqibatlarini bartaraf etish, ularni qayta tiklash va ta’mirlash uchun shtab va ishchi guruh tuzildi, unga shahar va tuman hokimliklari mutaxassislari kirdi.
“Yong‘inni barataraf qilish uchun suv yetmay qolgani haqida internetda tarqatilayotgan axborot haqiqatga to‘g‘ri kelmaydi”, — deyishdi IIBBda.
Izoh (0)