Lozanna ma’muriyati Shimoliy Afrikadan kelgan oilaviy juftlikka Shveysariya fuqaroligini berishdan bosh tortdi. Meduza’ning yozishicha, ular naturalizatsiya bo‘yicha komissiya suhbatida boshqa jins vakillarining savollariga javob bermagan va qo‘l uzatmagan.
BBC News’ning yozishicha, suhbat vaqti er-xotinnig diniy e’tiqodi masalasi muhokama qilinmagan, biroq, BBC News’ning alohida qayd etishicha, ularning musulmon ekanini anglash qiyin emasdi.
Shahar ma’muriyatining ma’lum qilishicha, “juftlik qarama-qarshi jins vakillarining savollariga javob berishdan bosh tortish orqali tahqirlovchi fe’l-atvor namoyish etgan”. “Bunday yondashuv esa konstitutsiyamizning asos tamoyillariga va jamiyatimiz asoslariga, aynan — erkaklar va ayollar tengligi tamoyiliga hurmatsizlikdir”, — deyiladi shahar ma’muriyati bayonotida.
2016 yili Shveysariyadagi bir maktab musulmon oiladan chiqqan ikki o‘smirga — ular oilasiga mansub bo‘lmagan ayollarga teginishi mumkin bo‘lmagani bois — ayol o‘qituvchilarga qo‘l berib ko‘rishmaslikka ruxsat bergan edi. Oqibatda keyinchalik bu oilaning Shveysariya fuqaroligini olishi jarayoni to‘xtatib qo‘yilgan.
2018 yili esa Fransiyada Jazoirdan kelgan bir ayolga fuqarolik berilmagan edi — bunga u tantanali marosimda begona bir erkak bilan qo‘l berib ko‘rishishdan bosh tortgani sabab bo‘lgan edi.
Izoh (0)